" عتمة ليل "
كل ليله جوة اوضتي ..
لما بيبقي كله نايم ..
سقف الاوضه بيبقي سينما ..
وذكرياتي دي فيلم دايم ..
حجات مُصِرَّه توجعني ..
وما بين الضلمة والذكرى ..
وحزن بيمحي امل بكرة ..
بتظهر لقطة جوا الفيلم ..
بمشهد فرحة يشبه حلم ..
وضحكه طالعه تهز القلب ..
فوسط الحرب خلقت سِلم ..
لكن يمشي الشريط تاني ..
وارجع اعيش ف احزاني ..
وانسى لقطة الفرحة ..
زي ما هي نسياني ..
الليل دا غرفة اسرار ..
بيحضن ..روح ..
مداري.. جروح ..
عن العالم بيخفي دمار..
حاول كتير يفرحني ..
بذكرى سعيدة وسط القهر ..
لكن يفيد ب ايه كشاف ..
تنور بيه ف عز الضهر ..
طول الليل بكون صاحي ..
مستني طيفها هيجيلي ..
ويحكيلي ...
تفاصيل حياتها من غيري ..
لحد الصبح...
ف اكتب من الجراح ابيات ..
وفيهم شكر ..خلتني ..
ف يوم البعد اكون شاعر. .
ويا ويله الشاعر لو حب ..
معاناته بتطلع ف حروف ..
مين عارف ايه جوه القلب ..
ف سكوته اشبه بكهوف ..
مدفون جواه اسرار بالكوم ..
هتبص بعينك مش هتشوف ..
الشاعر نظراته تتحس ..
... الشاعر سر لكن مكشوف ..
وبستغرب .. فاكرها ليه ..
وليه الليل.. محاوطني ..
.. بذكراها ..
ما خلاص بعدنا ..
وحان الوقت .. انساها ..
وطول الليل..ورغم الهم ..
انا كامل اصلا من غيرك ..
وفاكرك لاني حبيتك ..
لو احساسك حتي العكس ..
انتي خسرتي واحد حبك ..
وانا كل اللي خسرته الامس..
محدش هيحبك قدي ..
اكتر حاجه حب النفس ..
وانتي يمكن كنتي نفسي ..
ودلوقتي ممنوع اللمس ..
.. ..بس افتكري .. ..
ان القمر لو ساب مداره ..
عمره ما يلمع غير بالشمس ..
^^ وانا كنت "الشمس"❤ ^^
بقلم ::: الشاعر عبدالله السوداني##
😍😍
ردحذف